ინტელექტუალური კონკურსები

 საინტერესო, კონკურენტულ და „დაძაბულ“ გარემოში გაიმართა კლასებს შორის ინტელექტუალური კონკურსი ,,მოაზროვნე".

კონკურსის მიზანი იყო: ინტელექტუალი კლასების წარმოჩენა და წახალისება; მოსწავლეებს შორის კონკურენციის დონის ამაღლება; სკოლაში ინტელექტუალური კონკურსების ორგანიზების ტრადიციის დამკვიდრება.

კონკურსში მონაწილე კლასები დაჯგუფდა შემდეგნაირად:

1. მე-2, მე-3, მე-4 კლასის მოსწავლეთა გუნდები;

2. მე-5, მე-6, მე-7 კლასის მოსწავლეთა გუნდები;

3. მე-8 მე-9, მე-10, მე-11 კლასის მოსწავლეთა გუნდები.

გუნდები დიდი ხალისითა და მონდომებით პასუხობდნენ ინტელექტუალურ, ლოგიკურ და სახალისო შეკითხვებს, ცდილობდნენ მაქსიმალურად წარმოეჩინა თავიანთი შესაძლებლობები.

კონკურსის შედეგად პირველი ადგილი სამივე ასაკობრივ ჯგუფში დაიკავეს მე-4 , მე-7 და მე-11 კლასის მოსწავლეთა გუნდებმა.

მეორე ადგილი წილად ხვდათ მე-2 , მე-6 და მე-9 კლასის მოსწავლეთა გუნდებს.

მესამე ადგილზე გავიდნენ მე-3, მე-5 და მე-8 კლასის მოსწავლეთა გუნდები.

მოაზროვნე კლასები დაჯილდოვდნენ დიპლომებით.

ჩვენ განსაკუთრებულ ყურადღებას ვაქცევთ მოსწავლეთა ინტელექტუალურ და შემოქმედებით განვითარებას, მიზნით სკოლა ცდილობს კონკურსების წახალისებასა და ხელშეწყობას.

მე-2, მე- 3 და მე-4 კლასები ( ინტელექტუალური თამაში)

მე-5,მე-6 და მე-7კლასები ,,მოაზროვნე"

მე-8,მე-9,მე-10და მე-11კლასები ,,მოაზროვნე"