კომპლექსური დავალებები

План осенней экскурсии.

სსიპ თერჯოლის მუნიციპალიტეტის სოფელ ჩხარის N2 საჯარო სკოლა მესამე თაობის ეროვნულ სასწავლო გეგმაზე დაყრდნობით ახორციელებს საქმიანობას. პირადად, როგორც რუსული ენის მასწავლებელი, გამჭოლი უნარებისა და ღირებულებების კომპონენტებზე ორიენტირებული პედაგოგი ვარ და წარმოგიდგენთ მე-9 კლასში განხორციელებულ კომპლექსურ დავალებას. სწავლებისას განსაკუთრებული ყურადღება მივაქციე საფეხურის შედეგისა და სასწავლო ცნებების დაძლევის საკითხებს.

კომპლექსური დავალების პირობა: შეადგინეთ ექსკურსიის გეგმა. წარმოიდგინეთ, რომ თქვენი კლასი აპირებს ექსკურსიაზე წასვლას და თქვენ შემოგთავაზეს მისი ორგანიზება. დაგეგმეთ მარშრუტი. შექმენით თქვენი ექსკურსიის გეგმა და წარმოადგინეთ ფორმატზე ან PowerPoint პრეზენტაციით. ნამუშევრის პრეზენტაციის დროს ისაუბრეთ:

• საიდან, საით და რა ტიპის ტრანსპორტით იმოგზაურებთ?

• მიუთითეთ პუნქტიდან პუნქტამდე გამგზავრების დრო, ადგილი, ბილეთის ფასი;

• ახსენით რატომ აირჩიეთ სწორედ ეს მარშრუტი და განმარტეთ, რატომ არის თქვენი ექსკურსია სხვაზე უკეთესი, იაფი და საინტერესო? ნამუშევრის წარდგენის შემდეგ ისაუბრეთ:

• რა სიძნელეები შეგხვდათ და როგორ დაძლიეთ?

• რას გააკეთებდით სხვაგვარად, დავალებაზე თავიდან რომ გემუშავათ?

აღნიშნული კომპლექსური დავალების შესრულებისას გააქტიურდა კრიტიკული აზროვნება, შემოქმედებითობა, მედიაწიგნიერება, კულტურული ცნობიერება, სწავლის სწავლის კომპეტენცია.